ذكريات الحب....شعر

من كام شهر خدت قرار مش هكتب شعر
وانى هذاكر وافلح وانجح واخد البكاليريوس واتجوز واشترى عفشتى بالتقسيط
من كام شهر انا كنت عبيط
من كام شهر كنت بحبك
كنت بوضب روحى وأحبك لجل ما اقابلك
كنت فى كل حالاتك قبلك
تفرحى قبلك تزعلى قبلك تتقلى قبلك
كنتى الارض وكنت سنابلك
كنتى الحرب وكنت قنابلك
حتى فى بعدك وانتى مسافره وبينى وبينك الف محطه كنت بقابلك

عمرى يا ؟؟؟؟؟ ما قلبى اتنازل ولا ساب حقه زى ما سابلك
عمره ماضحى بزهده وسهره وجاب من عمره زى ما جبلك
هذا الوجع بقاياكى سحر تمدد بين ضلعى وتوارى خلف سلم منزلك ترك لكى رساله كل صباح وسافر
يشهد عليكى السلم المستنى خطوتنا

تشهد عليكى الشابيك اللى فتحتيها علشانى فى نصف الليل وعز البرد
يشهد عليكى محل الهدايا اللى على الناصيه وكشك الورد

تشهد عليكى هدومك اللى قلتلك متلبسيهاش
تشهد عليكى امتحاناتى اللى علشانك مدخلتهاش
يشهد عليكى عم اسطن وجورج واكل وعم شوقى بتاع الفطير
كيف يصير الحال كده

من اللى ابتدا انا اللى غلطان لك وانا اللى محقوق لك وانا اللى دون الناس عشقتك